我都係跟咗老師學一年半載， 所以呢都係一個初學者，如果問多啲問題呢請見諒啊.

知道呢個台灣網站通常學嘅門牌同我就好唔同嘅, 都想用我哋香港學嘅門派你試吓比較下,

呢位男士嘅大限係行緊 “庚” 台灣你哋係唔會天府化科, 點解要講呢？你睇落就知啦




佢當然要奔波啦，我哋一齊睇吓, 佢本身已經有天馬 喺遷移宮, 呢一個大限又有大限天馬; 今年流年 又有天馬, 咁多隻馬， 想唔奔波都幾困難. 加上佢自己太陽化忌喺遷移宮, 鍾意親力親為嘅.

至於你話權力鬥爭呢, 呢位男士 大限官祿宮天機天梁 , 天同化忌+ 太陰, 我之前咪講過嘅天同化忌, 即係代表情緒好唔穩定好容易低落, 點解呢因為 成日揸唔定主意，做咗好多錯誤嘅決定 , 因為 天同化忌+ 太陰在午, 陷位. 做咗好多錯誤嘅決定, 而錯失良機.

跟住，佢啲上司同事, 大限兄弟宮(= 同事同埋平輩) 天府化科, 原本天府化科都係好嘅但係唔好意思呀，天府呢粒星, 表面就好似冇乜嘢咁, 但係你睇吓佢嘅煞星? 首先有鈴星， 已經有變動啦, 三方四正 有埋晒啲小人, 例如地空地劫陀羅, 即係話後邊講佢壞話，不滿佢, 係唔講出嚟. 呢個情況下佢同事點會幫佢呀?


至於佢嘅上司，我哋睇佢嘅大限 父母宮, 好能幹, 因為殺破狼, 仲要有武曲, 即係話唔講人情嘅, 你幫到我做嘢我就乜都得.

喺種種咁嘅情況下，個人本身有頻撲啦，下下親力親為但係又唔開心，又比同事暗戰受傷，咁做嘢點會好呢，上司當然唔會賞識佢啦


( 唔識打中文㗎，全部都係用語音，至於女方, 我今日稍後或者明天再解答)

希望幫到手， 可以的話，可以同我講返我講啲事實啱唔啱.

今日稍後或者明天再解答