本篇出處與作者不詳!!如有仁人君子知悉原由,請惠予告知,不勝感謝!!若有任何不當之處,請通知版主處理!!

燒野食是秋天的例行節目, 在吃吃喝喝之餘, 也可利用各種 BBQ 食物作占卜, 看看你在愛情, 學業與金錢的態度和運程.
(在以下A, B, C ３組食物中, 每組選出一項食物, 不要想太久, 憑您的直覺選便可.)

Ａ）棉花糖　雞翼　魚旦　雜菜
Ｂ）金沙骨　香腸　牛扒　麵包
Ｃ）墨魚丸　蕃薯　粟米　帶子

答案 Ａ 愛情觀
棉花糖 - 激烈浪漫型
雞翼 - 愛情至上型
魚旦 - 但求就手型
雜菜 - 細水長流型

棉花糖細細粒甜甜地，但一Ｄ都唔易燒，要燒到漲卜卜，外面脆脆地，裏面又甜又滑，真係要眼明手快．您追求甜蜜的愛情，是浪漫主義者，為了一剎那的激情您可以訓晒身，但激情過後，您就會覺得沉悶．

雞翼是ＢＢＱ中的皇牌，點都唔少得，而且燒一隻靚雞翼絕對唔易，由開始叉雞翼到燒到外香內滑，食時又麻麻煩煩，都好費工夫．愛情是您生命很重要的部分，不可或缺，對於追求理想的愛情，您會好用心，幾辛苦都唔怕，最終都會有一段刻骨銘心的愛情．

魚旦彈牙，一次過燒幾粒，有粒燒得唔靚掉了也不覺可惜，轉頭又可燒過．對您來說，愛情是但求就手，大家開心就得，合則來不合則去，唔鍾意咩？就換畫囉．您的愛情即食類型，分分鐘一腳踏幾船也沒所謂．

不少人覺得ＢＢＱ要大魚大肉先夠惹味，但其實燒雜菜亦有另一番風味．食落去好似冇乜味，但嗒真Ｄ就會覺得清甜鮮味．您追求的是平平淡淡的愛情，看似沒甚麼火花，但二人其很有默契，是細水長流，感情細膩的愛情．

答案 B 學業
金沙骨 - 上進學生型
香腸 - 練精學懶型
牛扒 - 得過且過型
麵包 - 填鴨學習型

燒得靚的金沙骨固然好食，但唔係人人肯去燒，因為實在太花心機，要好有耐性慢慢燒下燒下，少Ｄ耐性都唔掂．您是個勤力好學生，為了追求卓越成績捱更抵夜都在所不計，有野唔明就會尋根究底．
通常大家一埋位肚餓時就會燒住兩條腸食，又快又好味．您讀書有些小聰明，不過唔會太勤力，好多時都係臨急抱佛腳，或者鍾意刨一些精讀天書，有時撞彩成績也不會太差．

牛扒鮮味得來，燒時不用太花心機與工夫，燒得唔夠熟又食得，燒熟Ｄ又可以，冇乜所謂．您讀書都幾隨意，讀得幾多得幾多，但求過到關就得，有時未免太過馬虎，得過且過．

麵包加Ｄ密糖真係好香口，但要烘得O岩0岩好就要加倍細心．您讀書好仔細，一字不漏，所以考試好少會睇錯題目，不過這樣的讀書方法好易變成死讀書，不求甚解，但求隻字都睇過或背晒就算．

答案 C 金錢
墨魚丸 - 財來財去型
蕃薯 - 穩穩陣陣型
粟米 - 知慳識儉型
帶子 - 應使則使型

爽口又鮮味，一粒粒食下食下唔多覺就食左好多粒．對於錢，您覺得賺得來花得去，會好努力地搵錢，但出手也絕不手軟，轉眼間又花光了．您不太懂得理財，但幸好識得搵錢，財來財去，沒甚麼積蓄，但起碼搵到錢使．

蕃薯通常都是放在爐?慢慢煨，煨得甘香的蕃薯是ＢＢＱ中的壓軸好戲，但有時唔記得就會變成一舊炭．對於金錢您採取保守態度，穩穩陣咁儲起來，不作冒險的投資，只希望到最後有一份不錯的積蓄就夠了．

煨粟米唔難，但食就好麻煩，有人嫌佢黐牙，有人話唔知點食．您是一個慳儉之人，拿著一筆錢可以慢慢花，投資會作長線投資，寧願回報遲ｄ慢ｄ，總好過冒太大的風險去博．您未必會發大達，但至少不用為錢擔憂．

帶子是BBQ食物中較貴的食物，可口鮮甜,要燒得好味都幾講究. 您對生活的要求較高，但不是大花筒，只會花錢在優質的東西上，應花則花，投資也頗有眼光，會有不錯的收入．